Fondazione Faustino Onnis Onlus Università degli Studi di Cagliari Università degli Studi di Sassari Comune di Selargius
home > faustino onnis > una vida po sa lingua sarda.

Una vida po sa lingua sarda.

Po Faustinu Onnis, sa poesia sarda no podit essi’ no espressàda, o mellus, depit essi’ espressàda in lingua sarda, poita ca aintru de custa lingua c’est su riassuntu de s’etnia, sa sintesi de totu su passau de sa genti de Sardigna.

E po su studiu e sa diffusioni de sa lingua sarda, s’hat bàttiri sèmpiri, promovendo, organisendi, e avvalorendi tantis e tantis iniziativas chi hant contribuìu prus meda chi no pagu, a su recuperu de is tradizionis. A sa crescìna de sa calidadi e, alluendi s’interessamentu de medas personas, chi amajàdas s’accostant a sa lingua sarda.

In su 1981 collaborat a s’organisazioni de su “Cunvegnu Internazionali – Le sollecitazioni della poesia in rapporto alla situazione socio-politica nell’area del Mediterraneo”, chi si tenit a Ceraxus, impari a sa presenzia de Nenardu Sole, Marcellu Serra, Gigi Dessì, Gaietanu Salveti, Febu Delfi,

Andrè Robert, Jean Raymond e Masoliver Juan Ramon, e in su cali issu partecipat cun s’interventu “ Poesia comente sollecitazioni a sa moralisazioni de sa vida soziali. Pustis de su 1980, po diversus annus  est consulenti in s’organisazioni de “Sa Coia Ceraxina”, e tradusit in sardu-campidanesu dogna parti de sa liturgìa e de sa prèdica po is isposus.

In su 1995, impari cun aterus, promovit e fundat sa “L.U.C.” - Libera Universidadi de su Campidanu - , anca po annus operat comente presidenti vicariu e maistu de cursus de lingua sarda scritta e fueddàda.

De su 1982 a su 1992 collaborat a sa redazioni de “S’Ischiglia”, rivista storica de arti, litteradura e poesia de Sardigna, impari a is amigus de sempiri; Aquilinu Cannas, Larentu Ilieschi, Gavinu Maieli. Cun is calis, de su 1998 traballat po sa nascimenta de “NUR”, rivista de Cultura e Identidadi de Sardigna, e de sa cali at’essi’ redadori in is primus annus de sa pubblicazioni sua. Sèmpiri in custus tempus, collaborat cun s’assoziu “Nur Selargius & Sardigna” po s’avviu de sa rivista  “Paraulas”, de economia, storia, lingua e cultura sarda, e fundat su  “Premiu Campidanu”, litterariu e de poesia.