Vincitore: Gianfranco Garrucciu
Titolo opera: “Lu me’ celi”
Motivazione:
…o comu faci, lei / un pinsamentu dulci / ch’indrentu più t’abbampa / e chi si paldi, / cantu sfidiatu e folti /poi più t’assirena!…
Cun sa durciura prus carinniosa -chi s’ ispraxit a grandesa in sa musicalidadi, in sa mesura de is versus, in is fueddus isceraus de una lingua imperada cun sapiéntzia- su poeta manixat s’andanta de cussu pentzamentu lébiu a su cali intregat su fàiri de sa poesia. Est inguni, aintru de cussas “firutas” chi si cuant, fortzis, quelli fiori della to’ casa e lu soli suai di candu ‘eni maggju. E mancai sa milia si furrit in surrungiu, comenti si podit biri in s’anafora Ah, s’eru, sa Poesia in fundu in fundu circat sèmpiri lu me celi.
Isceti a is poetas chi dda abbitant cun cunfiantza Issa permitit moris che i custu. (Anna Cristina Serra)
Vincitore: Luciano Corona
Titolo opera: “Su Murrinadroxu”
Motivazione:
Custa poesia de Luciano Corona, chi arrici su de dus prèmius, nos narat e nos cantat su sentidu de una vida lòmpia a s’intrìghinu suu, candu sa luxi de sa giovinesa cumentzat a si scurigai e su fogu a si spaciai lassendi pagu cinciddas chi no abbbastant a ghetai luxi de aficu; e insandus s’òmini si ponit a fai is contus de sa vida sua circhendi de dhus fai torrai. S’aficu mancau si fùrriat aici a s’imbressi, fendusi medida chi andat adhia de su tempus, probassendidhu: “seu nasciu giai beciu o seu incora pipiu?”; eris oi e cras s’amesturant, imoi chi fintzas sa brùscia niedha s’est scarèscia de issu, lassendidhu de assolu in cumpangia de sei e totu. Assolau cun s’eterna pregunta “ita seu stètiu?”, pregunta chi incidat infatu sa dimanda “chini seu?”, ita seu imoi e sempri? Una dimanda chi abetat sceda torrada. Ma custa sceda atru no est est chi su chi est allogau ind un’amentu, sempri biatzu e stugiau in su coru, cumenti unu speru chi no scit ni podit acabbai, mancai s’amargura lassada atuendi de sa beridadi efetiva.
In custa meleda chi benit fata apitzu ’e su tempus, e chi circat de ’ndi spròbigai su sentidu, chi est a sentidu de sei matessi, in custa meleda, megh’ ’e nai, est assentada e assetiada sa bàlida de custa poesia; chi fait crèciu ind una mètrica chi s’iat a podi nai una irregularidadi in circa de una règula: e sa règula torrat neta e sintzilla in sa maia e in s’acisu chi scit agatai rimas acabidendidhas in versus prus connotus e nodius. De manera chi unu rìtmu agru e tzopiendi s’intreverat cund su rìtmu prus pàsidu. (Prof. Maurizio Virdis)
Vincitore: Margherita Flore
Titolo opera: “Penseris a cumbatta”
Motivazione:
Sa giuria at detzidiu de donai su premiu de tres po sa poesia a Penseris a cumbatta de Margherita Flore. Is versus narant totu su trumentu de unu disterru. Castiendi su mari, in Livorno, sa boxi de sa poetessa circat de donai sentidu a su chi bidit, o chi siat una bandera cun is morus pintaus o un’iscòlliu in mesu de s’àcua e s’assèliat sceti in su bisu e in s’ammentu de argiolas e campus connottus. (Duilio Caocci )
Mariatina Battistina Biggio con la poesia “Versi d’autünnu”
Angelo Maria Ardu con la poesia “Ancora sigo”
Tonino Fancello con la poesia “Bisos”
Angelo Maria Ardu con la poesia “Ancora sigo”
Teresa Piredda con la poesia “Est ora”
Vincitore: Giancarlo Secci
Titolo opera: “A bortas is bisus torrant a cumentzai”
Motivazione:
Si podit torrai a cumentzai a cincuant’annus puru. Bastat a isciri apoderai cun contivizu is bisus. Antonio Tzurulliu at passau metadi de sa vida sua in presoni. Candu ndi bessit e torrat a domu sua est prenu de prexu ma de dudas puru chi nci xelant però sa dì de sa festa. Aintru de barracas prenas de binu bonu foras de contu torrat a sa genti sua e, aici, a unu fundóriu nou fintzas po sa vida sua.
Unu contu de ispera custu de Giancarlu Secci: sa iscritura currit che erriu de monti, ancà is arrexonamentus intre is personagius tenint unu tragiu curtzu ma forti, tanti chi pigant sa manu a chini ligit e nci ddu portant a intru de su chi si contat.
In cust’òpera puru s’Autori, sèmpiri atentu a is axius de su mundu, donat testimonia de siguràntzia manna in s’imperu de sa limba sarda in sa chistionada de su Campidanu.
A bortas is bisus torrant a cumentzai est unu contu amajadori e de grandu ballidoria chi lassat un’imparu de importu mannu : fintzas chini isbàlliat tenit su deretu de torrai a cumentzai! (Anna Cristina Serra)
Vincitore: Pietro Pala
Titolo opera: “Focu chene framas”
Motivazione:
S’intregat su de dus prèmius po sa prosa a su contu de Pietro Pala intituladu Focu chene framas, po s’abbilesa de ai scìpiu congiminai un’ordimìngiu narrativu forte e de capia. S’istòria contàda nos torrat sa vida meda bortas difìcili e peleosa de una bidha posta mein is montis de Sardinna, Dèsulo. De custa vida e de custa bidha s’autori nos pintat de una banda màginis de misèria morali e de una malavida imbucada che curtzadroxu po si ’ndi scapai de una cunditzioni de poberesa ma chi acabbat a incainai s’ànima in malesa; de s’àtera banda su contu innòdidat sa dinnidade de is oprimius, apetigaus de s’atza e de sa prepotèntzia malintragnada. Contra de custa si furriat sa giusta rebellia de chin’est costrintu a aguantai. Una rebellia surda e cuada ma profetosa, pròpiu che unu fogu chene framas, unu fogu chi bruxat ma chi no si bît ni s’intendit spraxendusì in totui fintzas a destrui sa malidadi de su d’essi sferitzaus. Bella metàfora posta in contadu de s’autori, bistu puru ca su de fai fogu chene framas fiat stètia un’abbilesa e un’arti imparada de su protagonista po si campai sa vida candu fut giòvanu; e custa vida citia, trabballosa e trumentada si fait svengadora de un’ingiustìtzia chi no connoscit dolu.
Atru bellu imbentu simbòlicu est su farchionedhu de is crais, chi s’aporrit cumenti e un’aescu a sa giutìtzia, chi sa malesa no podit fai amancu de aporri a s’òmini giustu e sporau, una ’orta chi bonu e malu si siant atobiaus e castiaus faci a pari: un’aescu chi si fait crai po aberri s’enna de sa giustesa, scancarendi su malu de sa transa.
Totu est contadu in flashback partendi de s’amentu de su protagonista, oramai omini mannu, studiau e fatu a professionista lòmpiu: issu infatis est imoi un’ingegneri. E imoi issu podit torrai a castiai sa vida sua de innantis e sa bidha sua, o mellus sa chi fiat stètia sa bidha sua aundi no tenit prus coràgiu ni coru de ‘nci torrai. Un’amentu pitziosu e stesiau, casi fessit su de un’istràngiu: un’amentu chi scòrriat s’ànima, chi bruxat ancora chene framas, e chi in concretu si callat mein sa sigareta, braxa chi no bogat fraca, chi su protagonista, imbodhiau in is arregodus, s’est pipendi.
Sa lìngua currit, a su matessi tempus, lèvia e tosta, ma arrennescit dognamanera a torrai intreu su sentidu de sa vida e de is logus rapresentaus, cumenti puru su scuncòrdiu psìchicu e morali de una pelea manna. (Prof. Maurizio Virdis)
Vincitore: Pier Giuseppe Branca
Titolo opera:“Novas dae Tirrènide”
Motivazione:
Sa giurìa at detzidiu de donai su premiu de tres a Novas dae Tirrenide de Pier Giuseppe Branca. Custu est un contu beni sestau de una mama e unu fillu, Marisa e Jonio, acisàus de is animalis chi bivint in su mari e, pruscatotu, de is cetaceus. Marisa tenit meda cunfiantza cun su tempus chi currit e scit imbeciai cun dinnidadi ca connoscit is medas beranus de sa vida e sa bellesa de dogna parti de s’esistentzia. S’autori, po is letoris prus scìpius, seminat medas relatas classicas chi acapiant cust’istoria e custus personagius a is contus prus mannus e fortis de s’antichidadi mitica. (Duilio Caocci)
Manuela Orrù con l’opera “Mamaioba mamaioba”
